Pages

ကြိုက်မိသော အပိုင်းလေးများ ... ၁  

Saturday, November 13, 2010

ကဗျာလေးတွေဗျာ။
ဟိုးအရင်ထဲက ကျွန်တော်ချစ်တတ်တယ်။
ဘယ်လိုအမျိုးအစားကိုချစ်လဲတော့မမေးနဲ့။
ကာရံမဲ့၊ မော်ဒန် အစရှိတဲ့ ယနေ့ခောတ်ပေါ်ကဗျာလေးတွေကစပြီး၊
ဟိုးရှေးရှေးတုန်းက ကဗျာလေးတွေအထိချစ်တယ်။
ဒါပေမဲ့ ရှိရှိသမျှအားလုံးကိုချစ်တယ်လိ့တော့မဟုတ်ပါဘူး။
တစ်ချို့ ကိုတော့အစအဆုံးတစ်ပုဒ်လုံးချစ်တယ်။
တစ်ချို့ကိုတော့ တစ်ပိုဒ်စ နှစ်ပိုဒ်စလောက်ပဲချစ်တယ်။
စကားတွေ မရှည်တော့ဘူးဗျာ။
ကျွန်တော့်ရဲ့သူငယ်ချင်း အောင်ကျော်မိုးတဲ့
FaceBook ထဲမှာတော့ သူ့ ကိုယ်သူအောင်နေဦးတဲ့ဗျာ။ ( ဟဲဟဲ )
သူ့ကပို့ပေးထားတဲ့ ကဗျာလေးတွေတစ်ချို့ရှိတယ်။
အဲ့ဒီ့ထဲက ကျွန်တော်ကြိုက်တဲ့တစ်ချို့ကိုမျှဝေလိုက်တယ်ဗျာ။
တစ်ပုဒ်လုံးလဲဖြစ်ချင်ဖြစ်မယ်။
တစ်ပိုဒ်စနှစ်ပိုဒ်စ ကျွန်တော့်ဟာကျွန်တော် ဆွဲယူလိုက်တာမျိုးလဲဖြစ်ချင်ဖြစ်မယ်။
ခံစားကြည့်ကြပါအုန်း ....။
ရင်ခုန်သံချင်းထပ်တူညီရင်တော့ လက်ခုပ်လေးတီးပေးပေါ့ဗျာ။


ကဗျာဆရာ မောင်မိုးမြင့် ရဲ့ကဗျာတစ်ပုဒ်ပါ။
ကဗျာနံမည်တော့မပါဘူးဗျာမူရင်းကဗျာကတော့အတော်ကိုရှည်တယ်ဗျ။
မူရင်းထဲကမှလူတတ်ကြီးလုပ်ပြီး၊
ကိုယ်ကြိုက်မိတဲ့ အပိုင်းအစလေးတွေကိုဆွဲထုပ်ကြည့်မိတာပါ။
ခံစားကြည့်ပါအုန်း။

"ဘာတွေ ဖြစ်ချင်လဲ"
ဟုတ်လား...

စိတ်ရှည်ရှည်ထားပြီး နားထောင်
ပြောပြမယ်
အားလုံးဟာ ပွင့်လင်းတဲ့
သွေးရိုး သားရိုး တောင်းတမှု့တွေပါ ။


ငါလေ...
မိသားစုလေးနဲ့ နေချင်တယ်
တရား ဓမ္မပုံပြင်တွေ နားထောင်ချင်တယ်
ရေ ခဏခဏ ချိုးချင်တယ်
အကျီလှလှလေး သုံးထည်လောက် ၀ယ်ချင်တယ်
နောက်ပြီး
လ္ဘက်ရည် ပေါ့ဆိမ့်သောက်မယ်
ရာဇ၀င် စာအုပ်တွေ ဖတ်မယ်
ဝက်သား တုတ်ထိုးတွေ အများကြီးစားမယ်
နွေနွေထွေးထွေး အိပ်မယ်
ဒါလောက်ပါပဲ ။
လောဘတိုင်းဟာ မပူလောင်ဘူးပြောရင်
ဘာသာရေးကို ဆန့်ကျင်နေမလားပဲ
ငါကတော့ မရှိလို့ တောင်းတတာက
လောဘလို့ကို မမြင်ဘူး
လုပ်ချင်ရာလေးတွေ လုပ်ဖို့
ပိုက်ဆံ နည်းနည်းလောက်တော့ လိုချင်တယ် ။


ပုခုံးပေါ်ကို လက်ကလေးတင်ချင်ယုံပါပဲ
ကြွေးကြော်ပြီး လမ်းလျှောက်သွားချင်တယ်
မင်းနဲ့တွဲလျှောက်ဖို့
ဖိနပ်ကောင်းကောင်း တရန်လောက်တော့
ငါ လိုချင်တာပေါ့
ဘာမှ ထပ်မလိုချင်ပါဘူး။



 PEACE !


 

AddThis Social Bookmark Button
Email this post


Design by Amanda @ Blogger Buster