Pages

ကျွန်တော်နဲ့ စောစော အိပ်ပျော်ဆေးတော်ကြီး ။  

Saturday, December 4, 2010





ဒီလိုပါ ကျွန်တော်ဆိုတဲ့ကောင်က ညဆိုစောစောမအိပ်တတ်တာ ဟိုးငယ်ငယ်လေးထဲကပေါ့ဗျာ။
လူအများအိပ်ပျော်လို့ တိတ်ဆိပ်မှုတွေကြီးစိုးလာလေ၊ ကျွန်တော့်အတွက်ကြိုက်လေ လန်းလာလေဖြစ်ပြီး၊
ဟိုလုပ် ဒီလုပ်နဲ့ အနည်းဆုံး ညသန်းကောင်မကျော်မချင်း အိပ်ယာမဝင်တတ်ခဲ့တဲ့ကျွန်တော်ပါ။
ဘာတွေလုပ်လဲ မောင်ဇေယျာရေဆိုပြီး အမေးရှိလာရင်တော့ ...
စာဖတ်တယ်ဗျာ။ video ကြည့်တယ်။ pc game ကစားတယ်။
software တွေကို install လုပ်ပြီးဟိုဟိုဒီဒီကလိတယ်။
တောက်တိုမယ်ရ စာတိုစာစလေးတွေတောင်ရေးမြောက်ရေးလုပ်တယ်။
အဲ့ဒီလိုပေါ့ဗျာ အများတစ်ကာ အိပ်တဲ့အချိန်ရောက်မှ ဖလန်းဖလန်းထတတ်တဲ့ကျွန်တော့်ကို၊
ကျွန်တော့်ရဲ့အဖွားရှိစဉ်က ဒီလိုခေါ်တယ် ... " ဖုတ်ကောင် " တဲ့။
အခုရော ... ဒီလိုပါပဲ ဒီအကျင့်ကပျောက်ကိုမပျောက်သေးဘူးဗျ။
အလုပ်တွေဘယ်လောက်ပင်ပန်းလာပါစေ၊ ညဆိုရင်တော်တော်နဲ့မအိပ်ပဲ၊
ဟိုလုပ်ဒီလုပ်နဲ့ ဖလန်းဖလန်းထနေတုန်း။
ပိုဆိုးလာတာက internet ဆိုတာကြီးကို အတိုင်းအဆမရှိလွယ်ကူစွာအသုံးပြုလို့ ရတဲ့၊
နေရာဒေသမှာရောက်နေလေတော့ကာ ... သယ်ရင်းတို့စဉ်းစားသာကြည့်ပေတော့။
internet တစ်ခုထဲနဲ့ပဲမိုးလင်းသွားလို့ ရတဲ့ အခြေအနေလေ ...။

ထားတော့ နောက်ကြောင်းကိုပြန်ကောက်ရမယ်ဆိုရင်၊
လွန်ခဲတဲ့ နှစ်ပေါင်းအတော်ကြာကြာလောက်ကပေါ့ဗျာ။
မွေးသမိခင်ကျေးဇူးရှင်က ညည ဖလန်းဖလန်းထတတ်တဲ့ကျွန်တော့်ကို၊
စောစော အိပ်ယာဝင်ရမယ်ဆိုပြီး အမိန့် တော်မှတ်ပါလေရော။
မီးထဲက ခဲကိုကိုင်ခိုင်းလိုက်သလိုပဲ ကျွန်တော့်မှာတွန့်ဆုတ်တွန့်ဆုတ်နဲ့ပေါ့ဗျာ။
( ဒီနေရာမှာကြားဖြတ်ပြောစရာလေးတစ်ခုရှိတယ်ဗျာ။
ကျွန်တော့်ရဲ့မွေးသမိခင်ရဲ့သဘောထားလေးက၊
ဆေးလိပ်သောက်ခြင်းကိုတော့ နဲနဲမှ မကြိုက်ဘူးဗျ။
ဒါပေမဲ့လဲသားကောင်းသားမြတ်ဖြစ်တဲ့ ကျွန်တော်ကတော့သောက်တာပါပဲ။
အရက်သေစာ ဘီယာ စသည်တို့ ကိုသောက်သုံးခြင်းကိုတော့၊
မလွန်ဘူးဆိုရင် ခွင့်ပြုတယ်ခင်ဗျ။
တစ်ခါတစ်လေသောက်တာမျိုး၊
အဲ့ဒီ့တစ်ခါတစ်လေကလဲ ဖင်ထောင်အောင်သောက်တာမျိုးမဟုတ်ဘူးဆိုရင်အေးဆေး၊
ခွင့်ပြုထားတယ်။ )

စကားကိုပြန်ဆက်ရမယ်ဆိုရင်၊ မွေးသမိခင်ရဲ့အမိန့် တော်ကိုကျွန်တော်နဲနဲမှလိုက်နာလို့မရဘူးဗျ။
ဒီတော့ ညာဏ်ကူရပြီပေါ့ဗျာ။
ညာဏ်ကြီးရှင် ကျွန်တော်မောင်ဇေယျာ စောစောအိပ်ယာဝင်လို့ ရအောင်ဘာလုပ်တယ်ထင်သလဲ ?
ဒီလိုဗျ ... ကျွန်တော်ကနဲနဲပါးပါးသောက်မိလို့မူးပြီဟေ့ဆိုတာနဲ့၊
ဟိုဟိုဒီဒီတွေ မလုပ်တတ်ပဲ တန်းပြီးအိပ်တော့တာပဲဗျ။
ဒါဟာ ကျွန်တော့်ရဲ့အကျင့်၊ ဒီအကျင့်ကိုကျွန်တော်အသုံးချလိုက်တာပေါ့ဗျာ။
ည ၉ နာရီထိုးပြီးဆိုတာနဲ့ကျွန်တော်စတင်ပြင်ဆင်တော့တာပဲ။
၉ နာရီ ကလဲ ထိုးပဲမထိုးနိုင်ဘူးကွာဆိုပြီး စိတ်ထဲကတောင်ထင်မိသေး ... ဟေးဟေး။

ဘယ်လိုပြင်ဆင်လဲဆိုတော့ဗျာ ...
ကြည့်ချင်တဲ့ video တစ်ကားကို pc ထဲမှာအသင့်ပြင်၊
( ကျွန်တော်က ကျွန်တော့်အခန်းထဲမှာပဲ ကျွန်တော့်ရဲ့ pc နဲ့
video အခွေတွေကိုကြည့်တတ်တဲ့ အကျင့်ရှိပါတယ်။
ear phone လေးတတ်ပြီးတော့ပေါ့ဗျာ )
ကြည့်မဲ့ video အခွေကအသင့်ဖြစ်ပြီဆိုရင်ဖြင့်၊
ကျွန်တော်ကိုယ်တိုင်ဖေါ်စပ်ထားတဲ့ စောစော အိပ်ပျော်ဆေးတော်ကြီး ကို စတင်အသက်သွင်းတော့တာပါပဲ။
ငါးကြင်းခွက်လို့ကျွန်တော်တိုခေါ်ကြတဲ့ ခွက်ကိုယူ၊
( စည်ဘီယာထဲ့တဲ့ခွက်၊ ကြံရည်တို့ဘာတို့ထဲ့တဲ့ခွက်သိကြတယ်မလား )
သံပုရာသီးနှစ်စိတ်လောက်ကို ညှစ်ထဲ့၊
ပျားရည်စစ်စစ် တစ်ဇွန်းကိုလဲထဲ့၊
ပြီးတော့ ရေနဲနဲထဲ့ပြီးပျားရေကိုသမအောင်မွှေ၊
ပျားရည်နဲ့ရေသမသွားပြီဆိုတော့မှရေခဲတုံးလေး ၂တုံး ၃တုံးလောက်ထဲ့၊
ပြီးတော့ ကိုဂျော်နီ အမဲကောင်ကို လက်သုံးလုံးလောက်ထဲ့၊
( ဘယ်နေရာနိုက်နိုက်ပိုက်ပိုက်ရှိ၏ဆိုတဲ့အခြေအနေဆိုရင်ဖြင့်
ကိုဂျော်နီအမဲကောင် Collector's Edition လေးကိုမတန်မရာကိုင်တတ်ပါတယ်။
ပိုက်ပိုက်အသင့်အသင့်ပေါနေရင်ဖြင့် ရိုးရိုးကိုဂျော်နီအမဲကောင်ကို ကိုင်ပါတယ်၊
ပိုက်ပိုက်မပေါတော့ဘူးဆိုရင်ဖြင့် ကိုဂျော်နီ အနီကောင်ကိုကိုင်ပါတယ်၊
ပိုက်ပိုက်ကို ရှိရှိသမျှဘောင်းဘီအိပ်ထဲ ဟိုနိုက်ဒီနိုက် အသကုန်နိုက်နေရပြီဆိုရင်ဖြင့်၊
ပြည်တွင်းဖြစ်ကိုချစ်ခြင်ယောင်ဆောင်ပြီး Grand Royal အမဲကိုကိုင်တတ်ပါတယ် )
ပြီးတော့ ခွက်အပြည့်ရေကိုထပ်ထဲ့၊
ပြီးတော့ pc ရှေ့မှာနေရာယူ။
ကျွန်တော့်ရဲ့ဘေးမှာကတော့ မြန်မာ့ဆိုင်းဝိုင်းအလား၊
လက်ဘက်အသားလေးကတစ်ပွဲ၊
အာလူးကျော်လေးကတစ်ပွဲ၊ မြေပဲဆားလှော်လေးကတစ်ပွဲ၊
တောင်ကြီးပဲကျော်လေးကတစ်ပွဲ၊ ကြက်ဥ ဟတ်ရိုက်လေးကတစ်ပွဲ၊
တစ်ခါတစ်လေ လမ်းထိပ်က ကာဆင်ဘိုင်ကြက်ရိုးသုတ်လေးကပါလိုက်သေး။

အဲ့ဒီလို အားလုံးအစီအစဉ်တစ်ကျနေရာချပြီးပြီဆိုတော့မှ၊
ဖေါ်စပ်ထားတဲ့ ဆေးတော်ကြီးကို စတင်ပြီးဂလုပါတယ်။
အဲ့ဒီလိုဂလုတဲ့နေရာမှာ first cup လို့ခေါ်တဲ့စစချင်း ဂလုကိုတော့၊
ခွက်ထဲက ဆေးတွေရဲ့၃ပုံ ၁ပုံလောက်ကိုတစ်ဂလုထဲနဲ့ကုန်အောင်ဂလုပြစ်လိုက်ပါတယ်။
ပြီးရင်တော့ မျက်စိက video ကိုကြည့်၊ ပတ်ပတ်လည်က ဆိုင်းဝိုင်းအလားထင်မှတ်မှားစေတဲ့
အမြည်းပေါင်းသောင်းခြောက်ထောင်ကို ဖြည်းဖြည်းခြင်းစား၊
ကျန်ရှိသော လက်ကျန်ဆေးတော်ကြီး ၃ပုံ ၂ပုံကိုနဲနဲခြင်းဂလုနဲ့ ၊
video လဲပြီး အားလုံးလဲပြောင်၊ မောင်ဇေယျာလေးလဲ ည ၁၁ နာရီမကျော်ခင်အိပ်ပျော်ခြင်းသို့ရောက်၊
ကောင်းမှကောင်းပေါ့ဗျာ။

ဒီလိုနဲ့ညတိုင်းဆေးသောက်ပြီးစောစောအိပ်လာတာအတော်ကြာလာတော့၊
ငါ့သားစကားနားထောင်၏လို့အစပိုင်းကထင်မြင်ယူဆထားတဲ့
မွေးသမိခင်က သင်ကာမကင်းဖြစ်တော်မူလာပါလေရော။
( အကြောင်းတစ်ခုခုမရှိပဲ ဒီလောက်ထိပြောစကားကိုနားထောင်လေ့မရှိဆိုတာကို
သူမွေးထားတဲ့သား၊ သူသိ၏။ )
ဒီလိုသင်ကာမကင်းဖြစ်လာတော့ တစ်ညကျွန်တော့်၏ အခန်းထဲကို ရှောင်တခင်ဝင်ရောက်စစ်ဆေးမှုပြုပါတော့၏။
ဆေးတော်ကြီးမှီဝဲပြီး ဆိုင်းဝိုင်းတီးကာ ဇိမ်ယစ်လျှက် video ရှုစားတော်မူနေသောကျွန်တော့်ကိုမြင်လေသောအခါ၊
မောင်ဇေယျာလေး၏ မွေးသမိခင်ပီပီ ချက်ဆိုနားခွက်က မီးဟုန်းဟုန်းထတောက်၏။

ကျွန်တော့် အခန်းထဲဟိုဟိုဒီဒီ အကြည့်တွေပစ်လွှတ်လိုက်တဲ့အခါမှာတော့၊
ကျွန်တော်ဖေါ်စပ်ပြီး ပြစ်ထားသော ကိုဂျော်နီအမဲကောင်၊ ကိုဂျော်နီ အနီကောင်၊
Grand Royal အမဲကောင်တို့အားဟိုတစ်လုံးဒီတစ်လုံး ထိုးထိုးထောင်ထောင်များကိုမြင်တွေ့သွား၏။
စကားတွေအများကြီးပြောစရာမလို၊ မေးခွန်းတွေလဲအများကြီးမေးစရာမလို၊
မွေးသမိခင်ကျေးဇူးရှင်၏ စကားကို သားကောင်းသားမြတ်ကျွန်တော်
ဘယ်လို အချိုးနဲ့နားထောင်နေတယ်ဆိုသည်ကို လက်တွေ့ကျကျသိသွားသော
ကျေးဇူးရှင်မိခင်က ဖေါ်စပ်လက်စ လက်ကျန် ကိုဂျော်နီ အမဲကောင်အား၊
အကြောင်းပြချက်တစ်စုံတစ်ရာမပေးပဲ သိမ်းပိုက်၏။
သူငယ်ချင်းကိုထိန်၏စကားကိုယူသုံးရလျှင် မွေးသမိခင်သည်ဆွေ့ဆွေ့ခုန်ကာ
ဗျတ်ဆောင်း၊ တယော၊ဗုံတို ဗုံရှည်၊
အင်္ဂလန်မှဘင်သံတို့သာမက ပတ်မကြီးကိုပါအသကုန်တီး၏။

ဟီးဟီး ... ဒီလိုနဲ့ကျွန်တော်၏ မွေးရာပါသောက်ကျင့်၊
သန်ခေါင်မကျော်ရင်အိပ်ယာမဝင်ဆိုတာကို ဆက်လက်ကျင့်သုံးမိပြန်တော့၏။

ဟော ... ယခု ကံကြမာကတစ်ပတ်လည်လာပြန်ပါပြီကော။
ချစ်သူပေါ့ဗျာ ... ချစ်သူ။
" ကိုရယ် ...။ ကိုအိပ်ယာဝင်တဲ့အချိန်ကအရမ်းနောက်ကျတာပဲဟယ်။
မပြောရင်မပြောသလိုပဲ၊ လုပ်ချင်ရာတွေလုပ်နေတယ်။
စောစောအိပ်ယာ ဝင်ဟာ။
ည ၁၁ နာရီထက်နောက်မကျစေနဲ့သိလား "
ဆိုပြီး၊
ကျွန်တော့်၏ သမိုင်းကြောင်းကိုပြန်လည်သတိရစေမည့်စကားမျိုးကိုဆိုလာ၏။

ဟီးဟီး ... ဆေးတော်ကြီးပြန်လည်ဖေါ်စပ်မှီဝဲရန်
အချိန်အခါကျရောက်လာပြန်ပါပြီကော ... ချစ်သူ။

P.S. အရာရာကိုနားလည်မှုရှိတတ်သော ကျွန်တော့်၏ချစ်သူအား၊
ဒေါသတွေ ဖလန်းဖလန်းထစေရန်ရည်ရွယ်ပြီး၊
ဒီ post ကိုရေးကာရန်စခြင်းဖြစ်ပါ၏။

Peace !



AddThis Social Bookmark Button
Email this post


3 comments: to “ ကျွန်တော်နဲ့ စောစော အိပ်ပျော်ဆေးတော်ကြီး ။

  • ဒိုင်ယာရီ
    December 7, 2010 at 7:19 AM  

    ဆေးတော်ကြီးက အတော်မိုက်သားဗျ..
    ဖော်စပ်ပုံလေးပါ ပါလို့ ကျွန်တော်လည်း
    မှီဝဲကြည့်အုံးမမယ်ဗျာ

  • သားဆိုး
    December 7, 2010 at 7:22 AM  

    ဆေးတော်ကြီးအညွှန်းလေး ဖတ်နေရင်းနဲ့တောင်
    ရင်ခုံတယ်ဗျို့ ..
    ပစ္စည်းစုံတော့လည်း အတော့်ကို အလုပ်ဖြစ်တာပေါ့
    လျက်ဆားနဲ့ရော အဆင်မပြေနိုင်ဘူးလား....:P

  • Zay Yar Haling
    December 7, 2010 at 5:02 PM  

    ဒိုင်ယာရီ ... စမ်းကြည့်ပါ။ တစ်ခုသတိပေးချင်တာကတော့မများဘူးဆိုရင်ဆေးပေါ့ဗျာ။
    များသွားတယ်ဆိုရင်တော့ ဘေးဖြစ်တတ်တယ်ဗျာ။

    သားဆိုး ... လျက်ဆားနဲ့ တော့မစမ်းကြည့်မိခဲ့ဘူးဗျာ။
    တွေးကြည့်ရသလောက်ကတော့ good တော့ good မယ်ထင်တာပဲဗျ။ ဟဲဟဲ။
    စမ်းကြည့်လေဗျာ၊ good တယ်ဆိုရင်တော့လက်တို့ လိုက်ပါအုန်းဗျာ။

Design by Amanda @ Blogger Buster